Edi Basa ka folur pas barazimit 2-2 kundër Laçit. Autor i golit me Kukësin, sulmuesi i verilindorëve u shpreh për mikrofonin e Supersport që ishtë i lumtur për arritjen individuale, por jo për 1 pikë të marrë.
Në fjalën e tij, lojtari i verilindorëve deklaroi se në vendin tonë i pëlqejnë shumë stadiumet dhe fushat. A do të arrijë 10 gola? Edhe për këtë ka një përgjigje.
"Jam shumë i lumtur për golin tim. Nuk arrita ta ndihmoja skuadrën për të fituar, jam i zhgënjyer që nuk morëm 3 pikë. Megjithatë është mirë që e kam nisur kështu. Është një mësim i mirë për ne kjo ndeshje e sotme.
Rekordi 10 gola? Qëllimi im nuk është të presionoj veten me objektiva individualë. Mund të shënoj 10 apo 15 gola, e rëndësishme është të ndihmoj skuadrën.
Shqipëria? Më pëlqen shumë Shqipëria tani. Jeta është e mirë. Në Shqipëri më pëlqejnë shumë stadiumet dhe fushat. Për mua është kënaqësi të luaj këtu", ka përfunduar ai.
Lexo gjithashtu
