Një debat i ashpër në distancë ka shpërthyer mes dy ish-lojtarëve të Tiranës, Agustin Kola dhe Mirel Josa. Ka qenë pikërisht ish-sulmuesi që e ka nisur i pari "sherrin" me një provokim nëse do të mund ta quanim kështu. "Trajnerët tanë fitojnë titullin me Skënderbeun dhe me Kukësin dhe pastaj zbresin Tiranën dhe Vllazninë nga kategoria. Këta trajnerë kemi ne...", ishin fjalët e Kolës duke shigjetuar hapur Josën dhe eksperiencën e tij te Tirana.
Ndërkohë sot ka ardhur dhe kundërpërgjigja e teknikut të Prishtinës i cili ia ka kthyer ish-shokut të tij te bardheblutë në mënyrë mjaft thumbuese. "Ai (Agustini) duhet të gjejë ndonjë ekip dhe të trajnojë. Kur të trajnojë ndonjë skuadër, të tjerët do ta gjykojnë dhe do ta vlerësojnë, ashtu si edhe mua apo të gjitha ata që punojnë.", deklaroi Josa.
Ndryshe nga ish-trajneri i Skënderbeut, Agustin Kola nuk ka ndjekur një karrierë shumë aktive si trajner, duke patur vetëm disa eksperienca të shkurtra me ekipet e moshave te Tirana, dhe te ekipi i parë i bardhebluve dhe Kamzës në të shkuarën.
Lexo gjithashtu
