Largimi i Franco Lerdës nuk ishte e papritur pasi pas humbjes në derbi ishte paralajmëruar diçka e tillë. Edhe pse në media po qarkullojnë emra trajnerësh që mund të marrin drejtimin e kampionëve, te Partizani i kanë idetë e qarta për të mbyllur dhe këto javë të fazës së dytë. Burime pranë klubit bëjnë me dije që provizorisht në krye të pankinës do të rikthehet Dritan Mehmeti që do të ndihmohet nga Renaldo Kalari. Ndërkohë në skuadër do të vijë sërish përgatitësi atletik Korrado
Sakone, edhe ky i përplasur më parë me italianin Lerda. Këtë herë drejtuesit nuk duan të nxitojnë, ndaj provizorisht pritet të jetë Dritan Mehmeti në krye të ekipit.