Gerd Haxhiu ka dhënë një prononcim për Supersport, ku ka folur për ndeshjen e nesërme që Korabi do të luajë në "Zeqir Ymeri" kundër Kukësit. Trajneri i dibranëve theksoi që skuadra e tij do të respektojë kampionatin duke dhënë maksimumin në çdo ndeshje. Gjithashtu deklaroi që edhe 1 pikë e kënaq ndaj verilindorëve, por zbuloi edhe një prapaskenë interesante. Ai tregoi që i ishte dashur të zgjedhë mes një merkatoje të fuqishme ose ndërtimin e stadiumit.
"I kemi te gjitha mundesitë për të ndalur cdo kundërshtar. Në luajmë për veten tonë dhe do ta respketojmë në maksimum kampionatin.
Në fazën e dytë ndaj Kukesit luajtëm një lojë mbrojtese, këtë herë do të vendosemi ndryshe në fushë dhe do të aplikojmë një futboll më sulmues. Luajmë për fitore, por jemi të kënaqur edhe me një pikë.
Mu desh të zgjidhja mes investimeve në stadium dhe një merkatoje të fuqishme, zgjodha të parën për të patur praninë e tifozeve dhe t’i luanim ndeshjet në shtëpi", përfundon Haxhiu.
Lexo gjithashtu
