Dje Sopoti luajti kundër Bylis në kuadër të javës së 17-të të Kategorisë së Parë. Skuadra librazhdiote u mund me rezultatin 0-3, por përveç kësaj humbi dhe portierin Ibrahim Bejten, i cili theu dorën dhe u dërgua me urgjencë në spital. Përmes një postimi në faqen zyrtare, klubi librazhdiot bën me dije gjendjen e “gardianit”. Por gjithashtu njofton që dhe sulmuesi i huazuar nga Tirana, Majkëll Peçi ka thyer klavikulën.
“Portieri Ibrahim Bejte, pas nje operacioni qe zgjati per rreth 2 ore mbremjen e se premtes, doli me sukses ne interventin e dores se majte. Klubi falenderon Deputetin e zones z. Taulant Balla per mbeshtetjen dhe humanizmin, gjithashtu nje falenderim special shkon per SPITALIN AMERIKAN, qe me kushte teper perfekte dhe me nje perkujdesje te veçante, mbeshteti dhe kuroi me profesionalizem te theksuar portierin tone.
Gjithashtu, ne SPITALIN AMERIKAN dje ishin edhe dy lojtare te ekipit tone te demtuar si Elton Muçollari dhe Majkell Peçi.
Muçollari pas ekzaminimeve rezultoi me nje keputje muskulare ne pjesen e muskujve te barkut dhe pas nje jave pushim absolut mund te rikthehet ne stervitje.
Nderkohe Majkell Peçi ka thyerje te klavikules, por nuk nevojitet intervent kirurgjikal. Gjithsesi, per rekuperimin e tij koha e nevojitshme mund te jete relavisht e gjate.
Klubi i uron sherim te shpejte lojtareve, falenderon edhe ata persona qe suportuan kete moment te veshtire me 3 lojtare te shtruar ne spital dhe i kerkon ndjese tifozeve dhe drejtuesve per rezultatet duke premtuar rikthimin tek rezultatet pozitive.
Ndeshja e djeshme ishte per tu harruar, pasi ne fund mbetem me 2 lojtare me pak ne fushen e lojes.
K.F Sopoti”, shkruhej në njoftimin e Sopotit në faqen zyrtare në facebook.
Loading ...
