Marcelo Troisi pritet të jetë trajneri i ri për skuadrën e Laçit për sezonin e ri 2016-2017. Burime për newsport.al bëjnë me dijë që braziliani ka kontaktuar me presidentin Pashk Laska, dhe orët në vijim pritet të na sjellin diçka të re për të ardhmen e stolit kurbinas. Braziliani tashmë ka marrë edhe liçensën për të drejtuar një skuadër futbolli. Nuk dihen kushtet që palët pritet të bien dakord, megjithatë Troisi do të jetë një lëvizje e zgjuar e drejtuesve të Laçit pasi ai e njeh mirë kampionatin shqiptar.
Marcelo Troisi kishte rolin e menaxherit te skuadra e Skënderbeut. Vitin e kaluar ishte në krye të pankinës kuksiane ku e drejtoi atë për ndeshjet e Europa League. Kështu që nuk do të jetë çudi që në të ardhmen teknikun brazilian të mund ta shohim përsëri në drejtimin e një skuadre në Superiore, siç është Laçi.
Loading ...
Leave a Reply
You must be logged in to post a comment.