Kanë përfunduar dy takimet e para të Superiores. Teuta fitoi me rezultatin 2-0 kundër Laçit me një dygolësh të shënuar nga Andi Ribaj. Fieraku arriti të shënojë dy herë në portën e kurbinasve, përkatësisht në minutën e 23-të dhe minutën e 64-të. Në këtë mënyrë Teuta lë pas Laçin, pasi ngjitet në kuotën e 16 pikëve, ndërsa Laçi mbetet në vendin e 8 me 14 pikë.
Ndërkohë takimi tjetër ndërmjet Korabit dhe Flamurtarit ka përfunduar me fitoren e vendasve. Kjo ndeshje u luajt në fushën e Peqinit dhe ka mjaftuar goli i Sabino i Plakut që dibranët të marrin 3 pikë mjaft të rëndësishme përballë rivalëve direkt.
