Lajmi i fundit/ Zhvillime në kampin bardheblu, mungon vetëm Cisse

Tirana ka mbyllur përgatitjet e rradhës në kompleksin “Skënder Halili”. Bardheblutë kanë zhvilluar sot paradite seancën e parafundit stërvitore në drejtimin e trajnerit Mirel Josa. Lista e gjatë e lojtarëve të dëmtuar e të pezulluar është reduktuar. Dorian Kërçiku pritet të jetë i gatshëm, Merveil dhe Hoxhallari gjithashtu do të jenë në dispozicion të trajnerit bardheblu. Muça nuk ka asnjë problem fizik ndërkohë që edhe Daja që pësoi një kontraktim në ndeshjen e fundit do të jetë i gatshëm e në formë. E vetmja mungesë përballë Korabit në Shkodër do të jetë ajo e sulmuesit Moktar Cise. Veç tij kapiteni Karabeci vijon stërvitjen i diferencuar nga grupi.