Xhevahir Sukaj është bërë pjesë e Partizanit në këtë merkato dimri. Bomberi shkodran është rikthyer në Shqipëri pas një dëmtimi në Malajzi me skuadrën e Perakut.
Sot, ai ndodhet së bashku me ekipin e Partizanit në kompleksin “Internacional” në Pezë-Helmës, teksa po zhvillon një përgatitje individuale. Sulmuesi 29-vjeçar është nën përkujdesjen e përgatitësit atletik, teksa po kryen disa vrapime të lehta.
Sukaj dëshiron të jetë gati sa më parë, pasi me eksperiencën dhe cilësitë që zotëron do të ndihmojë të kuqtë për të arritur objektivin e caktuar, titullin kampion.