Partizani po vijon përgatitjet në kuadër të raundit të dytë eliminator të Champions League. Ekipi ka filluar seancën stërvitore në orën 18:30, në kompleksin "Internacional Tirana", në Pezë Helmas. Burime pranë newsport.al bëjnë me dije që grupi në stërvitje është i plotë, ndërkohë tekniku italian Sormani po provon disa skema që mund ta çojnë drejt kualifikimit në Hungari. Pikërisht mënyra se si po i aplikon këto skema, pritet të jetë çelësi i suksesit për "demat".Gjithashtu skuadra e kuqe po provon edhe goditjet nga pika e 11-metërshit.
Sfida e së mërkurës kundër Ferencvaroshit është tejet delikate, pasi të kuqtë duhet të shënojnë patjetër një gol, që të mund të shpresojnë për kualifikimin e madh.
Ndërkohë për newsport.al është bërë i ditur edhe orari që të kuqtë do të nisen nesër drejt Hungarisë. Paraditja do t'i gjejë "demat" në aeroport, ku në orën 10:00 do të nisen drejt Budapestit.
[gallery columns="1" size="full" ids="18032"]
Lexo gjithashtu
