Mirel Josa ka folur pas barazimit 1-1, ku skuadra e tij Tirana luajti kundër Korabit. Trajneri i bardhebluve u shpreh për mikrofonin e Supersport:
"Ne nuk mund të them që vuanim sulmet e Korabit. Duhet të ishim më të qartë në mënyrën e zhvillimit të lojës sonë. Pa u goditur nga Korabi duhet të kishim shfrytëzuar dy-tre raste. Në momentin e golit të Korabit dhe në një moment përpara, ne nuk po luanim mirë. Detyrat ishin dhënë për markimin në zonë dhe kombinimet që bënte skuadra dibrane duhet t'i studionim më mirë.
Në lëvizjen e topit, lojtarët humbën pozicionet në rastin e golit të Korabit. Në momentet e pasimit të shkurtër, duhet të ishim më të kujdesshëm te lojtari që krosoi.
E shoh skuadrën në një farë ngërçi dhe këtë e tregon rezultati. Ne duhet të bëjmë çmos në ndeshjen që vjen", përfundoi ai.
Lexo gjithashtu
