Dorian Kërçiku i është bashkuar skuadrës në stërvitje me ritëm të plotë sot duke lënë pas në këtë mënyrë dëmtimin një mujor. Mbrojtësi i djathtë ka shtuar ritmin gjatë përgatitjeve të mesditës duke i dhënë të kuptoj trajnerit Josa se do të jetë në dispozicion të skuadrës për ndeshjen e të dielës në Laç.
Infermieria bardheblu për momentin është e mbushur plot me Karabecin e dëmtuar, Akuan dhe Teqen që kanë probleme muskulare apo dhe Moisen që ka patur një shqetësim në këmbë gjatë ditëve të fundit për të mos luajtur ndaj Kukësit.