Albano Janku është i ftuar në emisionin "Fair-Play" në Neës 24. Specialisti i gjykimit foli për ndeshjen Partizani-Kukësi, ky arbitër i takimit ishte slloveni Matei Jug. Janku deklaroi se ai kishte gabuar në dy momente.
"Dua të përmend dy rastet më flagrante. Në minutën e 21-të, Emiliano Vila pengohet në hyrje të zonës dhe mendoj se është faull që duhej ndëshkuar me të verdhë. Duhet të theksojmë se nuk është 11-metërsh, pasi faulli është shkaktuar në hyrje dhe jo brenda zonës.
Ndërkohë rasti tjetër është në minutën e 89-të. Kaleb Ekuban driblon Shametin duke e çuar topin para, por për gjyqtarin kryesor dhe atë anësor nuk është faull. Këtu mendoj se të dy kanë gabuar, pasi Ekuban ishte në zotërim të topit dhe duhej ndëshkuar edhe me karton të kuq", përfundoi Janku.
Lexo gjithashtu
