Katar 2022
Marko Cetkoviç është lojtari i ardhur së fundmi te Partizani. 30-vjeçari iu bashkua të kuqve në fazë përgatitore duke treguar një formë të mirë si në seancat stërvitore, por edhe në miqësoret e zhvilluara. Lojtari nga Mali i Zi është shprehur se nuk e ka frikë konkurrencën në skuadër dhe me shumë gjasa ai do të jetë titullar në 11-shen e trajnerit Sulejman Starova.
Ardhja me vonesë e Torassës për t’iu bashkuar grupit duket se ka bërë rrotacion në formacionin e kuq. Në këtë mënyrë shtatshkurtri argjentinas do t’i duhet t’i nisë ndeshjet nga stoli, derisa të arrijë formën optimale. Ndërkohë Cetkoviç do të jetë lojtari që do të zërë vendin e tij, pasi eksperienca dhe vlerat që e karakterizojnë do të ndihmojnë 15 herë kampionët e vendit në arritjen e objektivit, titullin kampion.
