LAJMI I FUNDIT/ Presidenti i FSHF-së, DUKA: Panuçi e ka patur gati ekipin, të gjithë e kanë më të lehtë

Presidenti i Federatës Shqiptare të Futbollit, Armando Duka, ka qenë i ftuar në “RTSH”, para ndeshjes Shqipëri – Norvegji. Presidenti tha gjatë prononcimit të tij, se ekipi Kombëtar është krijuar më parë dhe çdokush që vjen, e ka gati.

“Si ka ndryshuar Kombëtarja me Panuçin? Panuçin duhet ta shihni në fushën e lojës.Duken ndryshimet në fushën e lojës. Është një ekip i krijuar shumë më parë dhe në një farë mënyre, të gjithë ata që vijnë e kanë më të lehtë, e kanë gati. E kanë ekipin e ndërtuar. Çdo trajner, apo futbollist që vjen do të hedhë një hap pozitiv, të japë atë kontributin personal, por pjesën më të madhe të punës e ka gati.”