Erando Karabeci pësoi një dëmtim horror në kabinën e dushit pas kthimit nga faza përgatitore në Antalia. Kapiteni i bardhebluve mori 20 të qepura, pas të çarës që pësoi në kofshë. Prej disa javësh ky dëmtim e ka lënë jashtë fushës së blertë dhe mungesa e tij në qendër të mesfushës ndihet. Ai tashmë ka nisur një terapi intensive në mënyrë që të jetë sa më parë i gatshëm për trajnerin Mirel Josa.
Nga klubi bardheblu nuk ka ndonjë njoftim zyrtar se kur do të jetë në fushë Karabeci, megjithatë me anë të fotos së postuar në Instagram, 28-vjeçari tregon që së shpejti do të rikthehet për të dhënë kontributin e tij për fanelën bardheblu. “Së shpejti”, shkruan ai në diçiturën e fotos duke zbuluar që terapia po ecën me ritme të kënaqshme.
Loading ...
