Luftëtari arriti të fitonte kundër Partizanit me rezultatin 2-0, ndeshje e vlefshme për javën e 19-të të Superiores. Në këtë takim, bluzinjtë bindën si në rezultat, ashtu edhe në lojë. Kjo sfidë u luajt në stadiumin e rikonstruktuar të Gjirokastrës, i cili tashmë do t’i nënshtrohet një rinovimi të dytë.
Nga faqja zyrtare e Luftëtarit bëhet me dije që kanë mbërritur stola të rinj, të cilët priten të montohen në stadiumin gjirokastrit. Duke qenë se bluzinjtë këtë javë do të luajnë në Vlorë, koha do të jetë e mjaftueshme që shtëpia e Luftëtarit të jetë gati për sfidën ndaj Korabit, që do të luhet në Gjirokastër.