Lajmi i fundit/ Ndryshon stadiumi i Kombëtares, tani ka kaos me 3680 biletat e shitura

Ndryshimi i stadiumit nga ana e UEFA-s për shkak të reshjeve të shiut, por edhe të akteve terroriste që mund të shfaqeshin gjatë zhvillimit të takimit, ka hapur tashmë një çështje shumë të nxehtë, kjo sa i përket menaxhimit të biletave.

“Loro Boriçi” ka një kapacitet prej 16 mijë e 22 vende, ndërsa “Elbasan Arena” është 12 mijë e 342 vende, që do të thotë se 3680 vende do të zvogëlohen. Por, çfarë do të ndodhë me këta tifozë që kanë blerë biletën dhe që nuk kanë mundësi këtë herë që të qëndrojnë në stadium.

Pritet që FSHF-ja të japë versionin e saj zyrtar me atë që do të ndodhë, pasi kaosi që do të krijohet do të jetë shumë i madh në këtë rast, sepse nga sa mësohet janë shitur pothuajse në masë të konsiderueshme biletat për këtë sfidë që ishte planifikuar të luhej në Shkodër.