Nijas Lena ka folur për mikrofonin e Supersport një ditë para ndeshjes me Skënderbeun. Mesfushori i Kukësit deklaroi që skuadra e tij do të hyjë në fushë për të marrë një rezultat pozitiv, megjithatë ai duket i kënaqur edhe me barazimin teksa deklaroi: " Ne do të hymë në ndeshje për të fituar, megjithatë as barazimi nuk na bën keq. Të gjithë jemi mjaft të motivuar dhe shpresojmë të marrim një rezultat pozitiv".
Mesfushori i verilindorëve u pyet edhe për rekordin e vënë nga Kukësi në këtë sezon futbollistik, ku nuk ka humbur në 25 javë të zhvilluara. Lena ia dedikon këtë sukses portierit Koliçi, për të cilin u shpreh:
"Dua të them që një punë mjaft të mirë, në këtë sezon e ka bërë portieri Enea Koliçi. Shpresojmë që ai të marrë një ftesë nga Kombëtarja, pasi këtë vit është në formë të shkëlqyer duke na shpëtuar në mjaft raste deçizive. Ndërkohë ne nuk jemi të fokusuar të thellojmë rekordin, por pas ndeshjes mendojmë: "U bënë 23, u bënë 24" e kështu", përfundoi Nijas Lena në një lidhje direkte në Supersport.
Lexo gjithashtu
