Lajmi i fundit/ Kukësi pret Teutën në shtëpi, presidenti Gjici merr një vendim të rëndësishëm për tifozët

Nesër, Kukësi do të presë në shtëpi Teutën në kuadër të javës së 20-të të Superiores. Kjo ndeshje do të zhvillohet në stadiumin “Zeqir Ymeri”. Ndaj, presidenti Gjici ka vendosur që për të gjithë tifozët, hyrja të jetë falas. Nëpërmjet një njoftimi në faqen zyrtare shkruhej:
” Presidenti i klubit, Safet Gjici, ka vendosur që ndeshja e nesërme, ndërmjet Kukësit dhe Teutës, që do të luhet në stadiumin “Zeqir Ymeri” do të jetë pa bileta.

Numri një i klubit dëshiron që takimin e parë të vitit në shtëpi të kenë mundësi ta shijojnë të gjithë tifozët dhe të mos privohen nga çmimi i biletës. Prandaj, nesër duhet të jetë një pjesëmarrje e madhe që ta kthejmë në festë”, përfundon njoftimi i klubit verilindor.