Ervis Kaja ishte autor i atij goli që Korabi shënoi kundër Tiranës në barazimin 1-1. Qendërmbrojtësi dibran, i kontaktuar nga newsport.al ka folur për emocionet e takimit që u luajt në “Loro Boriçi”, më pas ka treguar vështirësinë në sfidën e ardhshme, por ka zbuluar edhe shkakun se pse është e vështirë mbijetesa në Superiore. Gjithashtu Kaja foli dhe për pagat, ku u shpreh optimist se drejtuesit e klubit do të shlyejnë gjithçka.
Goli -“Goli gjithmonë të gëzon, por ky ishte i veçantë për mua pasi ishte gol me pikë. Megjithatë vlerat e tij shtohen edhe më shumë pasi i shënova ish skuadrës sime. Ishte emocion i veçantë dhe ia dedikoj këtë gol të gjithë atyre që më kanë besuar dhe sigurisht falënderimi më i madh shkon për Zotin. Dhamë gjithçka në fushën e blertë dhe mund të kishim marrë më shumë se aq, megjithatë jemi të kënaqur edhe me barazimin.
Kukësi – “Ndeshja me Kukësin do të jetë mjaft e vështirë. Pozitat në renditje janë të anasjella, megjithatë ky fakt na motivon për të dhënë maksimumin në fushën e blertë. Asnjë nuk beson te ne, por ne besojmë te vetja. E rëndësishme është që të gjithë kemi premtuar që do të luajmë ndershëm deri në fund”.
Mbijetesa – ” Duke parë pozitat në të cilën gjendemi mendoj që është shumë e vështirë. Është e vështirë pasi po luajmë të qetë dhe ndershëm!”
Financat- ” Na është premtuar që nëse do të marrim rezultate pozitive, do të likuidohemi. Unë së bashku me çunat kemi besim, pasi kjo presidencë na ka ofruar gjithçka që na është dashur. Përveç dëshirës dhe pasionit, jemi të bindur që do të nderojmë edhe ata që na kanë mbështetur me atë që do të tregojmë në fushën e blertë”.
Loading ...
