Kukësi ndodhet në Austri, pasi luajti takimin e vlefshëm për Europa League me Austrinë e Vjenës. Ishte planifikuar që skuadra verilindore të kthehej sot, mirëpo planet kanë ndryshuar. Burime pranë newsport.al bëjnë me dije që kuksianët kanë vendosur të qëndrojnë në Austri sonte. Nisja pritet të bëhet nesër në mëngjes, ku lojtarët do të udhëtojnë nga hoteli ku janë akomoduar drejt aeroportit, për të udhëtuar pastaj për në Shqipëri. Lojtarët kuksianë, sonte dhanë gjithçka në fushën e lojës dhe ky mund të ketë qenë motivi që presidenca verilindore të marrë një vendim për t’u kthyer ditën e nesërme, pikërisht që t’i japë mundësinë të pushojnë siç e meritojnë.
© 2024 News Sport - Dev by Aplikacione.com.