Pas largmit të Marco Sportielos drejt Fiorentinës, Atalanta ka menduar të afroj në skuadër një portier tjetër për të mos e lënë rehat Berishën. 21-vjeçari Pierluiggii Golini, pjesë e ekipeve të moshave të Italisë ka firmosur për Atalantën. Golini, me sa duket i ka idetë shumë të qarta dhe është gati të luftojë me Berishën për fanellën e titullarit, edhe pse shumëkush mund ta cilësojë një lojtar pa shumë eksperiencë mbi supe për një rol kaq të rëndësishëm.
“Kisha kontakte që në verë me Atalantën, por pastaj në janar u largua Sportielo dhe gjithçka u konkretizua”, shpjegoi Golini. “Sigurisht, Berisha është shumë i aftë, por konkurrenca është stimuluese për mua dhe jam këtu për të luajtur shanset e mia”, deklaroi ai për të përditshmen italiane “TuttoSport”.
Lexo gjithashtu
