Erjon Hoxhallari, Visar Bekaj dhe Taulant Seferi kanë marrë ftesë për ndeshjet e qershorit nga kombëtarja shqiptare dhe ajo kosovare.
Lajmi bëhet me dije nga klubi kampion që përmes një njoftimi në kanalin zyrtar lajmëron se kapiteni i kryeqytetas dhe sulmuesi janë vlerësuar nga trajneri Edi Reja.
Kësisoj ata do të kontribuojnë për ngjyrat kuqezi në sfidat e ardhshme. Sakaq edhe portieri Visar Bekaj do të luajë me Kosovën. Në njoftimin e bërë në faqen zyrtare të Tiranës thuhej:
“Lojtarët Erjon Hoxhallari, Visar Bekaj dhe Taulant Seferi kanë marrë ftesën e grumbullimit nga Kombëtarja A dhe përfaqësuesja e Kosovës. Ata do të jenë në shërbim të trajnerëve përkatës për të dhënë kontributin e tyre në përballjet e radhës. I urojmë suksese ekipeve!”