Laçi në ndeshjen e sotme me Hapoel Beer Sheva-n bëri një ndeshje shumë të mirë, në takim e vlefshëm për Europa League. 90 minutat e lojës u mbyllën me rezultatin 1-1 por me pak fat kurbinasit mund ta kishin fituar pasi një “perlë” e Readon Xhixhës nga distanca mund të kishte përfunduar në fundin e rrjetës.
Loja e sotme dhe rastet e shumta për të shënuar i kanë bërë bardhezinjtë shpresëplotë se mund të kalojnë në turin tjetër. Këtë besim ata e shfaqin dhe në faqen e tyre zyrtare, në Facebook, ku ndër të tjera shkruhej se shpresojnë në një rezultat pozitiv në ndeshjen e kthimit.
Postimi i Laçit:
KF Laçi 1-1 Hapoel Ber Sheva
Skuadra dha shpirtin në fushë! Tifozeria ishte zjarr në 90 minuta!
Shpresojmë fort tek një rezultat pozitiv në ndeshjen e kthimit në Izrael.
Loading ...
