Laçi ka fituar me rezultatin 2-1 miqësoren përballë Gjilanit. Takimi i luajtur në Pogradec u mbyll me rezultatin e barabartë 1-1 në pjesën e parë, ndërsa e dyta nxorri fitues bardhezinjtë.
Kujtojmë se Laçi po zhvillon fazën përgatitore në Pogradec, ndryshe nga pjesa tjetër e klubeve të Abissnet Superiore, që kanë udhëtuar jashtë në prag të ndeshjeve të Conference League. Kurbinasit luajnë përballë malazezëve të Iskras në turin e parë.
Në anën tjetër Gjilani përfaqëson Kosovën përballë Liepaja. Takimi nisi me golin e Mevlan Zekës në minutën e 7’, për të parë më pas Laçin të fitojë miqësoren me golat e Sebastjan Spahiut dhe Mentor Mazrekajt.