Mbrojtësi i Flamurtarit Albi Alla ka qenë i ftuar mbrëmjen e sotme në emisionin “Rubrika Sportive” të RTSH-së. Duke folur në lidhje me shkarkimin e trajnerit të Kamzës Bledar Devolli, ish-lojtari i Kukësit ka tentuar të përdorë një shprehje popullore për të përshkruar situatën që kalon një ekip pas shkarkimit të trajnerit në mes të sezonit, por mesa duket është ngatërruar paksa.
“Është thikë me dy presje në fakt…”, e ka nisur fjalën e tij Alla, duke deformuar shprehjen e famshme “thikë me dy presa”. Një situatë që gjithsesi ka kaluar pa u vënë re nga të ftuarit e tjerë në studio.