Armando Broja shënoi dje golin e pestë në Premier League. Sulmuesi i Kombëtares ia doli të gjejë sërish rrjetën në ndeshjen e pestë startuese, me Southampton që fitoi 4-1 me Brendford për javën e 18 në Premier League e Anglisë.
Broja mori topin nga mesi i fushës, duke lënë pas mbrojtësit për të gjetur golin numër shtatë në Angli, dy nga të cilët në Kupë. Shenjtorët i kanë bërë jehonë sulmuesit që e kanë në huazim nga Chelsea, teksa në rrjetet sociale kanë shpërndarë foton e shqiptarit me rekordin.
“Ky djalosh është zjarr. Broja është lojtari më i ri që ka shënuar 5 gola + në moshën 20 vjeçare dhe 123 ditë në Premier League”, shkruajnë Shenjtorët.
Loading ...
