Futbollisti Abaz Karakaçi është i larguari i rradhës në kampin lezhjan. Lojtari ka patur një përplasje me trajnerin gjatë seancës stërvitore në përgatitje të ndeshjes me Kamzën. Karakaçi ka braktisur fushën e blertë, ku më vonë është komunikuar nga numri një i klubit, Gjok Noka, se lojtarit i është ndërprërë kontrata.
Lojtari nuk është i vetmi i larguar për ekipin e Besëlidhjes, pasi disa javë më parë është larguar dhe një lojtar tjetër shkodran, Senad Leka. Në këto kushte lojtarët të cilët ishin këtë sezon dhe kotribuan në ekipin lezhjan, nuk do të bëjnë pjesë në përballjen finale me Kamzën e vlefshme për të dyja ekipet për ngjitjen në Kategorinë Superiore.
