Marash Kumbulla është padyshim një nga emrat më të përfolur të merkatos në Serie A. Mbrojtësi i Veronës dhe kombëtares kuqezi ka marrë shumë oferta, ndërsa La Stampa raporton se Juventus ka vendosur 32 milion euro në pjatë, plus bonuse për 20 vjeçarin.
Kjo është shifra më e lartë e vendosur për shërbimet e shkodranit, ndërsa Zonja e Vjetër duket se është pranë marrëveshjes me agjentët e lojtarit dhe Veronën. Mosha e re dhe e ardhmja që djaloshi do të kishte te Juventus, nisur nga mosha e madhe e Bonuçit dhe Chiellinit, mund të bëjnë që Kumbulla të mos stepet nga madhështia e bardhezinjve.