Në shortin e Europa League për Turin e Parë Eliminator skuadrat shqiptare kanë relativisht short të vështirë, duke parë si Kukësin, Teutën dhe Partizanin. Por, short më i lehtë duket se ka Kukësi, i cili do të ndeshet me malazezët e Rudar Pljevlja. Vjet Kukësi u ndesh me Mladost Podgoricën, ndërsa arritën që përballë tyre të kualifikoheshin, madje me fitore të bujshme 2-4 në Podgoricë.
Megjithatë, të mendojmë se Kukësi është i kualifikuar ndryshe nga Teuta dhe Partizani. Por, kush do të jetë kundërshtari i dytë dhe a do të vazhdojë kjo skuadër më tej rrugën për fazën në grupe? Kjo është e vështirë ta mendosh, por jo e pamundur. Megjithatë, në rast kualifikimi, Kukësi do të ndeshet me Austrinë e Vienës. Skuadra austriake ka një sër suksesesh në Europë dhe nivel më të lartë se skuadra shqiptare, ndaj kualifikimi i verilindorëve tanë është pothuajse i pamundur për Turin e Tretë Eliminator.
