Kukësi do të luajë sot sfidën e javës së 11-të ndaj Kastrioti në transfertë. Verilindorët vijnë në këtë ndeshje pas 2 fitoreve radhazi dhe do të kërkojnë fitoren e 3-të për të mos lëshuar terren me Tiranën kryesuese.
Duke parë që formacioni I zgjedhur në ndeshjet e kaluara ka funksionuar shumë mirë, trajneri Longo nuk ka ndërmend ta ndryshojë.
Sulmeusi Fejiao edhe pse e nisi mirë sezonin do të jetë sërish në stol së bashku me Peposhin. Në portë do të luajë Tafas, në mbrojtje, Domi, Lulaj, Hila, Ndreca, në mesfushë, Gj.Taipi, Sh.Taipi, De Lucas, ndërsa në sulm, Puntus, Basa dhe Milunovic.
