Kukësi mbyll përgatitjet, pritet nisja për në Austri

Skuadra e Kukësit po përgatitet për ndeshjen e radhës, ku do të luajë me Austrinë e Vjenës. Nëpërmjet një njoftimi zyrtar, verilindorët kanë njoftuar për mbylljen e përgatitjeve për takimin e dytë të Europa League. Nesër skuadra kuksiane do të lërë Shqipërinë për t’iu drejtuar tokës austriake.

“Skuadra e Kukësit ka vazhduar përgatitjet edhe gjatë ditës së sotme. Ekipi është stërvitur në kompleksin “Internacional” në Pezë Helmes. Skuadra nën drejtimin e stafit teknik ka realizuar seancën në orën 19:00. Stafi teknik ka aplikuar një seancë tekniko-taktike ku kristalizuar edhe dilemat e fundit përpara ndeshjes. Nesër rreth orës 10:30, skuadra do të lërë Shqipërinë për t’iu drejtuar Austrisë. Ata do të akomodohen në hotel në pritje të ndeshjes ditën e entje. Besimi dhe entuziasmi është i madh”, shkruhej në njoftimin e klubit.