Kapiteni i Sileks në Maqedoninë e Veriut, Angelce Timovski është lidhur së fundmi me një kalim te Kukësi në Kategorinë Superiore. Mbrojtësi ka një kontartë deri në fund të sezonit, teksa për këtë gjë ka reaguar edhe klubi nga Maqedonia e Veriut.
Për Sportmedia.mk, menaxheri i Sileks tregoi se ka interes për kapitenin e tyre, ndërsa duhet një ofertë që ai të largohet nga ta, pasi kontrata është deri në verë.
“Timovski është një nga lojtarët tanë kryesorë, ne e dimë që ka interes për të, por ai është nën kontratë me Sileks deri në qershor. Pra, nëse ndonjë klub dëshiron zyrtarisht Timovskin, atëherë ai do të duhet të na paraqesë një ofertë, ose të negociojë për dëmshpërblimin e tij.
Vetëm atëherë do të vendosim nëse Timovski do të largohet në këtë periudhë tranzitore dimërore ose do të qëndrojë deri në qershor, kur skadon kontrata e tij”, tha menaxheri i Sileks.
Loading ...
