Skuadra e Kukësit do të luajë në datë 21 korrik në stadiumin "Elbasan Arena" me Austrinë e Vjenës, takimi i vlefshëm për raundin e dytë eliminator të Europa League. Verlindorët kërkojnë mbështetjen e tifozërisë në këtë takim, ku me anë të një postimi në faqen zyrtare në facebook ata shkruajnë: " Bashkimi bën fuqinë, tifozë dhe ekip jemi një! Të enjten, më datë 21 korrik, ora 19:30, stadiumi "Elbasan Arena". Prezenca detyrim! Koha për të treguar vlerat tona dhe se jemi europianë".
Kukësi luajti ditën e djeshme takimin e parë në Austri, teksa u mund me një rezultat minimal 1-0. Por ajo që vlen të theksohet është paraqitja e mrekullueshme që të besuarit e Likës zhvilluan në Vjenë, edhe pse mbështetja e tifozëve mungonte. Këtë radhë Kukësi i bën thirrje të gjithë tifozëve kuksianë për të qenë pranë skuadrës, sepse vetëm të bashkuar ata mund t'ia arrijnë të kalojnë në turin pasardhës.
Lexo gjithashtu
