Kualifikimi në Conference League, shorti rezervon rival nga Champions për Teutën

Teuta siguroi në mënyrë spektakolare kualifikimin në turin e tretë të Conference League.

Ekipi i drejtuar nga Edi Martini mori maksimumin në ndeshjen e kthimit në Andorra përballë Inter Eskaldes, ku fitoi 3-0, duke përmbysur atë humbje 2-0 të një javë më parë.

Një kualifikim historik ky për skuadrën kampioneve të vendit, që vijon të ëndërrojë për t’i shkuar deri në fund turneut, ku finalen e zhvillon në Tiranë, në stadiumin “Air Albania”.

Në turin e tretë, Teuta do mas forcat me Shamrock Rovers, kampionët në fuqi të Irlandës. Rovers vjen pas eliminimit nga turet kualifikuese të Champions League.