Në një mbledhje të zhvilluar sot në Shkodër, kryetarja e Bashkisë Voltana Ademi veç të tjerave ka folur edhe për situatën e klubit kuqeblu. Me rolin e presidentes së klubit, kryetarja e bashkisë ka dhënë një lajm të mirë për të gjithë sportdashësit. Shumë shpejt, Vllaznia do të kaloj në duart e aksionerëve të rinj privat që do ti japin klubit më të vjetër në Shqipëri, një tjetër fytyrë.
Ademi ka premtuar sot se ka nisur përgatitja e dokumentacionit që do t’i hapë rrugë kalimit të aksioneve nga bashkia drejt privatit. Klubi Vllaznia prej vitit 2011 është transformuar në shoqëri aksionere me aksioner të vetëm institucionin që drejton qytetin. Menaxhimi jo i mirë i bërë nga bashkia dhe rezultatet e dobta sportive, kërkojnë një tjetër format drejtues. Projekti është gati.
