Kriza e mbrojtësit të majtë, Magani do Popkhadzen

Në kohë merkatoje drejtuesit e skuadrave mendojnë shumë emra për të finalizuar me ata që u bëjnë më shumë punë, nëse arrihet akordi. Te Flamurtari duan të kompletojnë sa më parë skuadrën e re, por për disa role duket se ka jo pak vështirësi. Një rol i tillë është mbrojtësi i krahut të majtë, që është një “hall” për shumicën e skuadrave të kampionatit tonë. Klubi vlonjat ka konfirmuar disa titullarë të sezonit që shkoi dhe në këtë listë nuk ka një mbrojtës “sallaks”. Kjo gjë e ka detyruar trajnerin Gugash Magani të mendohet mirë dhe mësohet se fokusi i tij është mbrojtësi gjeorgjian, Giorgi Popkhadze, i aktivizuar me Flamurtarin sezonin e fundit. Kriza e mbrojtësit të majtë mund të rikthejë në Vlorë vetëm Popkhadzen dhe jo sulmuesin Tskhadadze, siç është folur ditët e fundit.