Trajneri i Besës, Gugash Magani ka folur së fundmi për ndeshjen e bamirësisë e organizuar më datë 10 nga Sindikata e Futbolistëve shqiptarë. Teksa eventi ka përfunduar tashmë bëhen dhe komentet sesi ishte organizimi dhe a u realizuan objektivat. Magani në studion e Pressing foli për kauzën e eventit dhe lojtarët që duhet të ishin në fushë.
"U tha pak më përpara këtu se ne duhet të respektonim kampionët tonë. Unë po flas i fundit për këtë rast pasi nuk dua ta marr përsipër. Jam trajner futbolli dhe nuk mund të bëj opinionistin. Kauza ishte e përkryer, treguam solidaritet të gjithë shqiptarët për fatkeqësinë që na ndodhi. Nuk mund të bëj avokatin e askujt, pasi jam trajner dhe shoh punët e mia, por mund të them që ne patëm në fushë të gjithë kampionët e Shqipërisë, që i kanë dhënë tonin futbollit shqiptar.
Unë nuk po them që do të vinin njerëz në stadium për Baggion, por për të mbështetur njerëzit në nevojë. E para, e dyta: Ne po themi që organizatorët që ishin, thirrën të gjithë lojtarët që mund të jenë nga vitit '95 dhe këtej. Normalisht, unë mendoj se ne e kemi të vështirë pjesën e solidarizimit. Ne i japim 5 lekë, por nuk paraqitemi vetë personalisht, mendimi im. Ju thatë Igli Tare: Ai luajti një minutë dhe doli. Ne shqiptarët, kur lëmë futbollin, ia fusim gjumit. Kjo është dhe pjesë individuale. Nuk mund të luajë dot Perlat Musta nuk mund të luajë në portë", tha Magani.
Situata e Flamurtarit edhe Luftëtarit:
"Dy skuadra në fund fare (Flamurtari - Luftëtari). Para disa vitesh, unë kam marrë Tiranën në këtë situatë. Kastrioti kishte 17 pikë, ne kishim 10 pikë. Duhet që gjatë dy fazave të tjera, të rikuperonim pikë. Matematika e mban ende në lojë Flamurtarin, por besoj se është jashtëzakonisht e vështirë. Idrizi nuk dua ta gjykoj, kam respekt për të.
Por unë mendoj se është diçka shumë e rëndësishme që futbolli në Shqipëri, përveç tre katër ekipeve, pjesa tjetër janë në skamje. Asnjë nuk merr përsipër të flasë, sepse do prishin gojën. Përveç katër-pesë ekipeve në krye, kanë probleme të gjitha. Ne kemi problem pjesën e financimit, nuk e bën Federata atë punë. E bën Bashkia, shoqëritë aksionere. Qeveria shqiptare duhet të bëjë ligjin e sporti", shtoi Magani
Lexo gjithashtu
