KOSOVA ndez festën në DURRËS, emocione dhe gëzim te turistët dhe KOMBËTARJA jonë

Fitorja madhështore e Kosovës sot ndaj Bullgarisë në tokën e këtyre të fundit është pritur me gëzim jo vetëm në Kosovë, por dhe në Shqipëri.

Gazetari i “Supersport” Gjergj Stefa raportoi nga kompleksi “Tropikal” në Durrës, ku është akomoduar kombëtarja jonë se shumë turistë të ardhur nga Kosova në qytetin bregdetar këtë muaj kanë festuar me ovacione dhe brohoritje suksesin e “Dardanëve”.

Ky lajm i jashtëzakonshëm nuk ka kaluar pa u neglizhuar as nga lojtarët e Shqipërisë, të cilët kanë festuar dhe mirëpritur me gëzim suksesin e Kosovës.