Korabi dhe Kukësi do të luajnë së bashku në kuadër të javës së 25-të të Superiores. Dibranët nuk kanë asgjë për të humbur dhe në këtë ndeshje do të tentojnë të marrin pikë. Verilindorët kërkojnë të ruajnë vendin e parë, ndaj do të tentojnë fitoren. Këto dy ekipe takohen së bashku në kompleksin stërvitor në "Pezë Helmës" duke qenë se stërviten në të njëjtin impiant.
Korabi është stërvitur këto ditë në orën 10:00, ndërsa një orë më pas skuadra e drejtuar nga Ernest Gjoka. Duke qenë se koha ka qenë e vrenjtur dhe dushet funksionojnë me panele diellore, uji i nxehtë ka qenë me "pikatore". Dhe në këtë mënyrë, lojtarët e skuadrës kuksiane i kanë kërkuar dibranëve të "kursehen'' paksa në dush. Pas kësaj nuk kanë munguar batutat mes lojtarëve, por edhe mes trajnerëve të cilët njihen prej shumë vitesh.
Lexo gjithashtu
