Komisioni i Apelit pranë FSHF-së ka marrë sot vendimet në lidhje me çështjen e apeluar të ekipit të Kategorisë së Dytë, Kevitan, i cili dhunoi gjyqtarët e ndeshjes në sfidën e luajtur në Gramsh. U ndëshkuan disa lojtarë dhe u përjashtua skuadra për një vit nga kampionati. Sot është marrë vendimi i cili përkrah dhunën dhe dhunuesit, duke konvertuar në gjoba dhe duke falur ekipin e Kategorisë së Dytë që sezonin e ardhshëm do të luajë normalisht në kampionat.
1.Ndryshimi i pikës 1 të vendimit të Komisionit të Disiplinës, datë 11.05.2016 si më poshtë:
Shfuqizimin e dënimit për lojtarin e KF “Kevitani”, Aldi Pjetri.
Lojtarët e KF “Kevitani”, Eridion Vataj, Elio Rrapo dhe Arnold Hyseni, për dhune ndaj zyrtarëve të ndeshjes dhe kundërshtareve, bazuar në nenet 22, 48/1/e; 49/1/b te KDS, dënohen secili me përjashtimin nga të gjitha veprimtarite futbollistike për 12 (dymbëdhjetë) muaj;
Për lojtarin e KF “Kevitan”, Emirjon Hajdari, vendimi lihet në fuqi.
2.Ndryshimi i pikës 2 të vendimit të Komisionit të Disiplinës, datë 11.05.2016 si më poshtë:
FC “Kevitan”, për ushtrim dhune për qëllim moslejimin e zyrtarit të ndeshjes për të vepruar lirisht, dënohet me gjobë me vlerë 1.500.000 (një milion e pesëqind mijë) lekë, bazuar në nenet 59 dhe 136 të KDS.
KF “Gramshi”, për kërcënim ndaj një zyrtari të ndeshjes, dënohet me gjobë me vlerë 1.000.000 (një milion) lekë, bazuar në nenin 58/1 të KDS.
3.Komisioni i Apelit i rekomandon Komisionit të Etikës së FSHF-së, të shqyrtojë veprimtarinë e arbitrave të ndeshjes midis KF “Gramshi” – KF “Kevitani”, zhvilluar më datë 08.05.2016
Lexo gjithashtu
