Kompanitë e basteve kanë publikuar për herë të dytë koeficentët e ndeshjeve të fundit në grup për Francë 2016, ku bën pjesë edhe Rumani-Shqipëri, e fundit në Grupin A, ashtu si dhe Francë-Zvicër. Ajo që bie në sy tashmë është se koeficentët kanë ndryshuar në favor të kuqezinjve, të cilët, me sa duket, kanë filluar të trembin në Europian, edhe pse i kanë humbur dy ndeshjet e para. Më parë fitorja e Rumanisë kuotohej me koeficentin 2, ndërsa tani është 2.25. Fitorja e Shqipërisë kuotohet me koeficentin 3.3, kurse barazimi me 3.5, ndërkohë që më parë fitorja e Shqipërisë shkonte deri në 3.8.
