Klubi kërkon mbështetejen e tifozëve, hap dyert e stadiumit për finalen e mbijetesës

Pothuajse në  çdo ndeshje të  këtij sezoni për vlonjatët hyrja ka qenë e lirë. Po ashu edhe ndeshjen me Laçin drejtuesit e Flamurtarit kanë vendosur që tifozët të futen pa bileta. Por në prejashtim të tribunës kryesore ku një biletë kushton 700 lekë.

Kjo gjë është mundësuar nga klubi pasi tani më shumë se kurrë i duhet mbështetja e tifozerisë për ta ndihmuar ekipin të kalojë me sukses dy sfidat e mbetura.

Në një njoftim që ka bërë klubi kuqezi thonë se mbështetja e tyre do të ndikojë drejtpërsëdrejti në objekivin e ekipit siç është mbijetesa. Ndeshja do të luhet ditën e shtunë, ora 17:30, stadiumi “Flamurtari”.