Deklaratës së Artan Hoxhës që presidenti i FSHF-së, i cili ngriti alarmin se politika po ndërhyn në sport, i është përgjigjur klubi i Erzenit.
Gazetari investigativ hedh dyshime se skuadra shijakase po përdoret për vota. Kësisoj, në faqen zyrtare klubi i Erzenit i cilësojnë deklaratat e Hoxhës si idiote, ku po tenton të hedhë baltë mbi ekipin.
“Të flasësh për kronikën e zezë pa argumente, edhe besohesh sepse njerëzit jo të gjithë dinë dhe e kuptojnë ama në sport, shqiptarë e dijnë mirë dhe e ndjekin futbollin në çdo cep të vendit. Jemi të befasuar nga tentativat idiote të gazetarit Artan Hoxha për të hedhur baltë mbi ekipin e Erzenit. Me një histori 90-vjeçare në futbollin shqiptar. I dënuar në kohën e komunizmit me mospjesëmarrje në kategorinë e parë etj. Ka më shumë se një javë që pas rikthimit të Erzenit nga fundi i tabelës ka tronditur ato që mendonin se kampionati ka vetëm një fazë dhe shpallesh kampion. Zotërinj Erzeni nuk ka parë kurrë favore nga Federata përkundrazi, zotëri kreu i Federatës nuk është vendosur sot, por ka vite aty dhe po aq vite Erzeni gjendet në kategori inferiore dhe nuk është as hera e parë që ka zgjedhje.
Ne do ishim të lutur të na tregoje me argumenta atë që thatë mbrëmë në emisionin “Procesi Sportiv” në Top- Channel. Të ftojmë të rishikosh takimin Dinamo – Erzeni 1-2. Një fitore nga ato me dhunë siç i kanë qejf tifozët shijakas ku nuk e lanë ekipin tënd të merte frymë por ju fal fatit për të mos pësuar mbi 4 gola. Erzeni nuk ka pretendime Superligën, por punon për ndeshjen e radhës për të mos rrezikuar si në fazën e parë, por për t’i mbyllur gojën kujtdo si ti, bën sikur i di të gjitha, por nuk di asgjë. Dil në TV jep mend për sport, vrasje, plagosje, drogë, viruse, por mos hidh baltë mbi Erzenin. Shpresojmë që Erzeni të jetë në 4 vendet e para që të vish në Shijak të shikosh futboll të bukur, edhe pse fatkeqësisht si simpatizant i Dinamos, do dalësh i pakënaqur nga humbja. Erzeni s’ka nevojë për favore. Erzeni ka vetëm tifozët e vet dhe askënd tjetër”, shkruhej në faqen zyrtare të klubit shijakas.
Loading ...
