Gjykata e Tiranës ka dhënë masën ‘Arrest në shtëpi” për ish-futbollistin e Kombëtares Klodian duro.
Duro ishte arrestuar për veprat penale “Dhuna në familje”, “Përndjekja” dhe “Veprime në kundërshtim me vendimet e gjykatës”, pasi kishte kërcënuar ish-bashkëshorten e tij, me të cilën ka edhe një vajzë.
Ajo banonte në zonën e sih-Bllokut dhe kishte urdhër mbrojtje nga momenti i divorcit me ish-mesfushorin.
Ajo e ka denoncuar vazhdimisht Duron për kanosje, përndjekje përmes SMS-ve dhe dhunë në familje.
Më datë 24 mars në mbrëmje, Duro ka shkuar në shtëpinë e saj duke i rënë derës, ndërsa ajo ka njoftuar menjëherë policinë. Disa minuta më vonë, efektivët e rendit kanë mbërritur aty duke e arrestuar në flagrancë.
Avokati i Duros ka thënë se ish-mesfushori ka shkuar në datën 21 të takojë vajzën, pasi ajo kishte ditëlindjen.
Sipas tij, ish-bashkëshortja nuk e ka lejuar ta takojë vajzën.
Avokati Erjon Kullolli thotë që Duro ka siguruar ushqime për vajzën e tij, por nuk e ka takuar.
Loading ...
