Atalanta u mposht në shtëpi me rezultatin minimal 0-1 nga Real Madrid në ndeshjen e vlefshme për fazën e 1/8 të Champions League. Kjo ndeshje u mbyll me polemika për shkak se gjyqtari nxori nga loja pas 17 minutash, Freule për një faull ndaj Mendy, ndërsa në minutat e fundit mbrojtësi francez shënoi golin e fitores për madrilenët. Në konferencën për shtyp pas ndeshjes, trajneri i Atalantës, Gasperini ka shpërhyer ndaj gjqytarit për atë karton të kuq të dhënë ndaj lojtarit të tij.
“Ekziston një tundim për të hequr të gjitha format e kontrastit. Kjo është vetëvrasje e futbollit. Kam një mega skualifikim, nuk them asgjë përndryshe UEFA më pezullon për dy muaj, por kjo është vetëvrasje në futboll. Ne nuk mund të kemi arbitra që nuk dallojnë një faull nga një pengesë.
Ne flasim për atë që është një kontakt, një pengim. Nëse ata nuk e kuptojnë këtë gjë, duhet të bëjnë një punë tjetër: nuk është shkencë rakete, nuk është e nevojshme të jesh inxhinier i NASA-s për të kuptuar këto gjëra. Arbitrat janë një komponent shumë i rëndësishëm dhe kanë pamjet televizive (VAR). Gjyqtarët kanë gjithçka dhe më shumë, por as para imazheve nuk ia dalin, kjo është e vlefshme edhe për kampionatin tonë. Sonte kemi luajtur më shumë pasi në Serie A janë 100 faulle”.