Ka qenë vetë Silvio Berlusconi ai që ka zyrtarizuar lajmin se klubi i Milanit është në duart e një grupi të fuqishëm kinez. Ky grup ka ndërmend të investojë 400 milionë Euro te klubi kuqezi në dy vitet e ardhshme. Nga spitali Sann Raffaele ku ndodhet i shtruar pas një operacioni në zemër ka qenë ''i madhi'' Silvio Berluskoni ai që e ka bërë të njohur lajmin.
“E kam shitur Milanin tek ata që janë në gjendje ta rindërtojnë. Bëhet fjalë për një grup kinez me një investim të rëndësishëm prej 400 milionë euro në dy vitet e ardhshme”, përfundoi Berlusconi.
Milani prej disa vitesh ka zhgënjyer me formën e treguar në kampionat. Skuadra nuk ka arritur të jetë kompetitive as në kampionat dhe aq më pak në ligat e Europës, ku ka vite që nuk arrin të kualifikohet. Ndoshta ky investim do të arrijë ta nxjerrë Milanin nga kjo gjendje e vështirë.
Lexo gjithashtu
