Tirana arriti të kthehej te fitorja në kampionat pas disa barazimesh radhazi. Bardheblutë fituan me përmbysje 2-1 ndaj Kastriotit në "Selman Stermasi". Ndeshja u vendos nga golat e Bathës dhe Muçit që i dhanë 3 pikë me vlera Tiranës. Në fund të ndeshjes për "Gol pas Goli", trajneri Nevil Dede u shpreh mjaft i kënaqur për këtë fitore.
Fitorja ndaj Kastriotit? "Mendoj që skuadra u shpreh mirë në tërësi. Goditën shumë herë portën dhe besoj që lojtarët e meritonim këtë fitore pasi nuk është lehtë të përmbysësh rezultatin në Superligë. Një meritë të madhe që nga kapiteni Lika e deri të tjetër.
Seferi është një lojtar që ka cilësi, por ka presion dhe trynsi nga mediat. Sot i dha ritëm tjetër skuadrës edhe pse nuk mori shumë topa. Sakfrifikoi për skuadrën e për mua e rëndësishme është të mos mbajë shumë stres. Ka potencila dhe kjo është e rëndësishme për ne.
Nuk isha në panik pasi po krijonim shumë raste. Nuk kam folur fare, por dëshiroja që lojtarët të ishin të qetë e të vazhdonim ashtu si po luanim e kjo më jepte besim. Nuk jam fallxhor që ta dij se kur vjen goli.
Kur t'i vij radha Partizanit unë do të mendoj për Partizanin. Sot ishim në superioritet numerik në mesfushë, në pjesën e dytë nuk mund të shkoi çdo gjë perfekte. Është e vërtetë që Kastrioti doli në disa raste, por asnjëherë nuk e kapi qendrën e mesfushës bosh".
Ndryshimet në mbrojtje? "Freskia që mori skuadra, por në një fazë të lojës e bëmë mirë dhe një tjetër jo. Kishim raste më pastërta në pjesën e dytë, por nuk i shfrytëzuam siç duhet. E rëndësishme është që këta djem sot morën atë që meritonim".
Plani juaj për 4 lojtarët? "Të shpresoj që lojtarët të vijnë në formën e tyre më të mirë. Në sulm kemi shumë zgjidhje kur të kthehet Cale dhe Çelhaka. Unë mendoj se kjo skuadër ka bërë mirë dhe kjo skuadër është e pathyeshme prej 11 ndeshje edhe pse nuk kemi fituar. U thashë që jeni të pathyeshëm me barazime, por tani duhet të fitojmë. Nuk kam bërë eskperimente gjatë ndeshjes, por kemi pasur disa mungesa për shkak dëmtimesh. Këtu deti është i trazuar dhe po nuk fitove thonë që bën eksperimente".
Lexo gjithashtu
