Gerhard Progni nga sot nuk do të jetë futbollist i Partizanit. Mesfushori 31-vjeçar ka ndërprerë kontratën me të kuqtë dhe i është i lirë të firmosë me Teutën. Lajmi për kalimin te “Djemtë e Detit” është dhënë që dje dhe mungon vetëm zyrtarizimi. Partizani ia bën më të lehtë largimin lojtarit duke i plotësuar dëshirën të nisë një aventurë të re.
Lajmi është dhënë nga faqja e klubit kryeqytetas në “Facebook”.
“NJOFTIM
Klubi njofton mbylljen e bashkëpunimit me Gerhard Prognin. Mesfushori 31 vjeçar ka ndërprerë me mirëkuptim marrëveshjen me Partizanin. Progni i cili iu bashkua skuadrës përgjatë sezonit 2017 – 2018 rregjistroi 33 aktivizime duke realizuar edhe 8 gola.
Klubi falenderon Gerhard Prognin për kontributin e dhënë me fanelën e kuqe dhe i uron njëkohësisht suksese në karrierë.”